Мер пашаеҥ- влак федерал программе кӱшеш тӱзландарыме йоча площадке- влакым тергаш йодыт

           Мер пашаеҥ- влак федерал программе кӱшеш тӱзландарыме йоча площадке- влакым тергаш йодыт. ОНФ-ын еҥже- влак республикысе прокуратурыш Козьмодемьянскыште, Советский да Медведево районлаште кодшо да ончылий ыштыме йоча площадке- влакым тергаш йодмашым колтеныт. Фронтын еҥже- влакын рейдыш лектын коштмышт ончыктен: чыла площадкыжат пайдаланымым чытен кертын огыл, южыжо эсогыл лӱдыкшым луктеш. Эн ончыч Козьмодемьянск оласе «Сияние» техносквер йодышым луктын.- Иктым ышташ сӧреныт, лектын йӧршын весе. Калык ситыдымашым ончыкта. Советский посёлкысо Свердлов уремыште эксперт- влак йӧршын вес сӱретым ужыныт. Площадке дене кок ий пайдаланыме гынат, тудо чаплынак шога. Тиде районысо Ургаш посёлкышто площадкым лӱдыкшӧ зона манын аклыме. Тудым пудыртен пытарыме манаш лиеш. Медведево районысо Юбилейный посёлкышто Лесной уремыште йоча площадке тыгак лӱдыкшым луктеш. Тушко кок ий ошмам конден огыт керт, кодшо кӱртньӧ пуч- влакым рончен огыт нал, тошто лӱҥгалтышат саварым кыра манаш лиеш. Тергыше- влак палемденыт: тыгай шонымаш шочеш, пуйто чыла тидым йоча- влаклан огыл ыштыме. Санденак прокуратурыш йодмаш дене лектыныт.
            Фото: «Ваш Новый День» газет.