Пашан ветеранже- влак тылзе еда тӱлымӧ оксам налаш тӱналыт
Пашан ветеранже- влак тылзе еда тӱлымӧ оксам налаш тӱналыт. Теҥгече Йошкар-Олаште Марий Эл Кугыжаныш Погынын 16-шо сессийже пашам ыштен. Ончен лекме 19 йодыш коклаште у законым пеҥгыдемдыме. Тудо самырык- влаклан алкогольдымо энергетик йӱышым ужалаш чарыме нерген да тиде законым пудыртышо- влакым мут кучаш шогалтыме дене кылдалтын. Тиддеч посна парламентарий- влак Марий Элын прокуратурыжын «Южо категорий еҥ- влаклан социал полышым пуымо да социал обслуживатлыме нерген» законыш вашталтышым пурташ темлымыжым поддержатленыт. Законын вийым налмекыже «Марий Элысе пашан ветеранже» лӱмым налше еҥ- влак тылзе еда тӱлаш палемдыме оксам налын кертыт. Нуно Российысе моло кундемыш илаш каят гынат, тиде оксам огыт йомдаре. Тиде оксам налаш йодмашым возыман. Тудо званиян еҥлан да тылзеш 18 тӱжем теҥге деч шагал парышым налше еҥлан пуалтеш. «Республикыште йылме- влак нерген» законышто кугыжаныш да муниципал тунемме тӧнежлаште марий да руш йылмым кугыжаныш йылме семын туныкташ да тунемаш йӧным ыштыме шотышто нормым пеҥгыдемдыме. Ушештарена: тыгай норма кызытат «Республикыште туныктымо нерген» законышто уло. 16-шо сессийыште чылаже республикын 9 законжым да Кугыжаныш Погынын 22 пунчалжым пеҥгыдемдыме.
