Пӧт эҥер гоч пыштыме кӱварым капитально олмыкташ палемдыме

              Волжский районышто Пӧт эҥер гоч пыштыме кӱварым капитально олмыкташ палемдыме. Тиде Памар- Коркатово автомобиль корно нерген ойлалтеш. Тидын нерген кугыжаныш закупко сайтыште возымо. Таче кечылан проект да паша документацийым ышташ йодмашым пуымо. Контрактын тӱҥалтыш акше шым миллионат 800 тӱжем утла теҥге. Заказчиклан «Мостремстрой» предприятий шотлалтеш. Документацийыште ончыктымо: кугыжаныш экспертизын сай заключенийже дене проект документацийым тений икымше сентябрь марте сдатлаш кӱлеш. Кӱвар кызытсе семынак кок полосан лиеш да асфальтобетон дене леведалтеш.
Фото: marpravda.ru