Марий Элыште эм- влак пеҥгыде учётышто улыт
Марий Элыште эм- влак пеҥгыде учётышто улыт. Марий Элым вуйлатыше промышленный продукцийым закондымын ужалкалымылан ваштареш шогышо Кугыжаныш комиссийын заседанийыштыже лийын. Погынымашым видеоконференций йӧн дене Российын промышленность да торговля министрже Денис Мантуров эртарен. Эн ончыч погынышо- влак элыштына эмым шолып ужалкалыме вештареш виктаралтше маркировка системым пуртымо нерген ойленыт. Тенийсе июль гыч маркировка обязательный лийын. Тымарте системыште 90 тӱжем участник уло, 7 миллиард упаковко эмым маркироватлыме. Поснак коронавирус деч вакцинын кажне йыжыҥыште кузе эртымыже нерген данный эн кӱлешаныш савырнен. Марий Элыште тиде системе деке эм дене пашам ыштыше 296 юридический да физический лица, чыла кугыжаныш медицина организаций ушнен. Эмым пуэн колтымым регистрироватлыше оборудований дене 11 фармацевт организаций да 39 медицина тонеж пойдаралтын. Вашлиймашыште тыгак йоча сатум закондымын ужалкалыме нергенат ойлымо. Тиде пашам республикысе гигиена да эпидемиологий рӱдер терген шога.