Киндым ситарыме йодышым правительствыште каҥашыме
Республикысе промышленность да торговля министерствыште кевыт шӧрлыклаште киндын ситыдымыже нерген ойленыт. Промышленность, экономически вияҥмаш да торговля министр Станислав Крылов ужалкалыме сетьлам вуйлатыше да кинде сатум лукшо- влак дене пашаче вашлиймашым эртарен. Нуно калыклан киндым ситарыме нерген мутланеныт. Чувашийысе ик предприятийыште кӱрылтыш лиймылан кӧра шӧрлыкла гыч кинде йомын. Тудым ик-кок кечыште республикысе 17 кинде комбинат ситарышаш улыт. Акым палемдыме шотышто йодыш пӱсын шоген. Киндым кӱэштше- влак ужалкалыше- шамыч дене акым кӱзыктымо нерген кутырен келшаш шоненыт. Но ужалкалыше- влак тидын дене келшен огытыл. Тидын годымак Чувашийысе конвейерым профилактике пашалан чарен шогалтыме. Министр ӱшандарен каласен: ик-кок кечыште йодыш кораҥдалтеш. Ордыж гыч киндым кондыдеат, верысе производитель- влакын чыла кинде сатуштлан ак дене полшен кертыт. Верысе киндым лукшо- влак кугытым ешарат да пӱтынь калыклан кинде ситыше лиеш.