Фигуристкына- влак сеҥымашыш шуыныт
Угарман олаште тиде кечылаште Серебровскийым шарныме лӱмеш фигурнын мунчалтымаш дене йӱлаш савырныше Россий кӱкшытан таҥасымаш- влак эртеныт. Сеҥышыш лекшаш верч тӱрлӧ ола гыч 100 утла спортсмен кучедалын. Спорт-туризм министерствын увертарымыж почеш Марий Эл гыч спорт мастерыш кандидат Агнета Латушкина, икымше спорт разрядан Зоя Ковязина ден Татьяна Ожиганова миеныт. Таҥасыме кок кече деч вара спорт мастерыш кандидат программе почеш сеҥышыш Агнета Латушкина лектын. Икымше спорт разряд дене таҥасыше- влак коклаштат пӱсӧ кучедалмаш лийын. Зоя Ковязина тыгак ончылно лийын. Мемнан Татьяна Ожиганова кок программе деч вара кандашымше верыш лектын.