Эксперт- влак республикыштына 327 шнуй отым – кӱсотым шотленыт
Эксперт- влак республикыштына 327 шнуй отым – кӱсотым шотленыт. Нуно тӱвыра поянлык объектлан да ландшафт памятниклан шотлалтыт, кугыжаныш велым аралалтыт, а чимарий йӱлам кучышо- влаклан кӱшыл вий дене кылым кучымо шнуй да кумалме вер улыт. Кӱсото- влакым 1993-шо ий гыч ик спискыш чумыраш тӱҥалыныт. Тудын чекшым палемдат да шке шотан паспортшым ыштат. Тергыме деч вара спискым эше коло наре шнуй ото пойдарен кертеш. Районышто марий шукырак ила гын, кӱсотат тушто шуко. Мутлан, чодыралан поян Килемар районышто ик тыгай вер гына шотлалтеш, Курык марий ден Юрино районлаште иктат уке, но У Торъял районышто 73 уло.