Депутат- влак республикым вуйлатышым сайлыме нерген законыш вашталтышым пуртеныт

            Теҥгече шымше созыв Марий Эл Кугыжаныш Погынын 26-шо сессийже пашам ыштен. Депутат- влак республикым вуйлатышым сайлыме нерген законыш вашталтышым пуртеныт. Тыгай темлымашым 22 депутат ыштен. Нунын республикысе законыш темлыме вашталтышышт Республикым вуйлатыше должностьыш сайлымашыш кандидат семын шкем шке лукташ йӧным пуа. Тыгай практике Российысе ятыр регионышто кучылталтеш. Тымарте республикым вуйлатыше должностьыш кандидат семын политпартий- влак гына темлен кертыныт. Шкем шке темлыше еҥ депутат- влакын але муниципал образованийлам вуйлатыше- влакын  поддержкыштым налшаш да республикыште сайлыше- влакын ик процент йӱкыштым погышаш. Тидыже вич тӱжемат 320 подпись лиеш. Марий Элым вуйлатышым сайлымашым палемдыме шотышто Кугыжаныш Погынын сессийже 10-шо июньышто лийшаш.
           Фото: Марий Эл Кугыжаныш Погын.