Юрий Зайцев Республикысе правительствын заседанийжым эртарен
Марий Элым вуйлатыше Республикысе правительствын заседанийжым эртарен. Погынымаште цифран трансформаций, шуко пачеран пӧртлам кпитально олмыктымаш, тул лӱдыкшӧ тургымым эртыме да моло йодышымат каҥашыме. Кызыт республикыште «Россий Федерацийын цифран экономикыже» калыкле программе шыҥдаралтеш. Тудым элнан президентше Владимир Путин тӱҥалын. Юрий Зайцев палемден: калык полышым электрон йӧн дене налын кертшаш, поснак социал сфере ден кугыжаныш виктем аланыште. Кызыт ме чыла отрасльыш инноваций технологийым шыҥдарымылан кугу тӱткышым ойырышаш улына. Тазалыкаралтыш, туныктыш, шанче, промышленность, финанс сфера, кугыжаныш виктарымаш - республикысе нине да моло отрасльыште цифран решений чолган кучылталтеш. Кодшо ийын Марий Элыште Ай-Ти отрасльым вияҥдыме ончылтен кайыше стратегийым пеҥгыдемдыме. Сай лектышыш шумо, но тидын дене чарнен шогалаш ок лий. Молан манаш гын, республикыште Ай-Ти технологий сферыште сай опытым погымо.
Регионысо «Цифран экономикылан кадр-влак», «Увер инфраструктура», «Цифран технологий», «Цифран кугыжаныш виктарымаш» проектлаш пуртымо мероприятий- влакым шуктымо нерген Республикын цифран вияҥдымаш министрже Венедикт Суворов ойлен. Республикыште электрон формат дене 87 гыч 87 социал кӱлешан кугыжаныш да муниципал полыш пуалтеш. Чыла показатель денат сай вашталтыш палдырна,- каласен министр.
Чоҥымаш, архитектура, илыме вер да коммунал озанлык министр Наталья Ошланова шуко пачеран пӧртлаште тӱшка погым капитально олмыктымо адресан программым шуктымо нерген каласкален. Тенийлан 71 пӧртым олмыкташ палемдыме ыле. 65 пӧртыштыжо капитально олмыктымо паша мучашлалтын. Идалык мучаш марте чыла верыштыжат пашам пытарышаш улыт.
Пӱртӱс поянлык министр Алексей Киселёв тул лӱдыкшӧ тургымым кузе эртыме нерген ойлен. Чылаже чодыраште 59 гана тул пижын, 52-шым икымше суткаштак йӧртымӧ.
Туныктыш министр Лариса Ревуцкая йоча да самырык- влакын Россий кӱкшытан «Движение первых» мер-кугыжаныш толкынышт нерген каласкален. Толкыным шукерте огыл гына ыштыме гынат, тудо чолган вияҥеш. Шукырак да шукырак еҥым авалта.
Марий Элым вуйлатыше эртарыме пашам кӱкшын аклен, самырык- влакым патриотизм шӱлышеш шуарыме йодышлан кугурак тӱткышым ойыраш кӱлеш манын.
Фото: Марий Элым вуйлатышын администрацийжын увер дене пашам ыштыше пӧлкаже.
Регионысо «Цифран экономикылан кадр-влак», «Увер инфраструктура», «Цифран технологий», «Цифран кугыжаныш виктарымаш» проектлаш пуртымо мероприятий- влакым шуктымо нерген Республикын цифран вияҥдымаш министрже Венедикт Суворов ойлен. Республикыште электрон формат дене 87 гыч 87 социал кӱлешан кугыжаныш да муниципал полыш пуалтеш. Чыла показатель денат сай вашталтыш палдырна,- каласен министр.
Чоҥымаш, архитектура, илыме вер да коммунал озанлык министр Наталья Ошланова шуко пачеран пӧртлаште тӱшка погым капитально олмыктымо адресан программым шуктымо нерген каласкален. Тенийлан 71 пӧртым олмыкташ палемдыме ыле. 65 пӧртыштыжо капитально олмыктымо паша мучашлалтын. Идалык мучаш марте чыла верыштыжат пашам пытарышаш улыт.
Пӱртӱс поянлык министр Алексей Киселёв тул лӱдыкшӧ тургымым кузе эртыме нерген ойлен. Чылаже чодыраште 59 гана тул пижын, 52-шым икымше суткаштак йӧртымӧ.
Туныктыш министр Лариса Ревуцкая йоча да самырык- влакын Россий кӱкшытан «Движение первых» мер-кугыжаныш толкынышт нерген каласкален. Толкыным шукерте огыл гына ыштыме гынат, тудо чолган вияҥеш. Шукырак да шукырак еҥым авалта.
Марий Элым вуйлатыше эртарыме пашам кӱкшын аклен, самырык- влакым патриотизм шӱлышеш шуарыме йодышлан кугурак тӱткышым ойыраш кӱлеш манын.
Фото: Марий Элым вуйлатышын администрацийжын увер дене пашам ыштыше пӧлкаже.
