Кугыжаныш да мер пашаеҥ Иван Петровын пашажлан пӧлеклалтше йыргешке ӱстел лиеш

              Йошкар-Олаште кугыжаныш да мер пашаеҥ Иван Петровын пашажлан пӧлеклалтше йыргешке ӱстел лиеш. «Исполкомын председательже: кугыжаныш да мер пашаеҥ Иван Петровын шочмыжлан 130 ий темме вашеш» йыргешке ӱстел 14-ше декабрьыште Валериан Васильев лӱмеш МарНИИЯЛИ-ште эрта. Иван Петрович Марий автоном областьын лӱмлӧ кугыжаныш да мер пашаеҥже. Тудо автоном областьым ыштымаште чолган тыршен. Марий автномийым вуйлатыше семын тудын лӱмжӧ дене марий кундемысе экономикыште, тӱвыраште кугу вашталтыш лийын, марий калыкын самосознанийжын кушмыжо кылдалтын. Йошкар-Олаште ик урем тудын лӱмжым нумалеш, Шочмо кундемыштыже Шеҥше селаште уремым тудын лӱмжӧ дене лӱмдымӧ, чапкӱм почмо. Йыргешке ӱстелым почмо деч ончыч Петров уремысе кокымшо пӧрт воктене 9 шагатлан мемориал оҥа деке пеледыш аршашым пыштат.
             Фото: Екатерина Дьякова.