Республикысе ик тоштер шочмыжлан 25 ий теммым палемден

            Республикысе ик тоштер шочмыжлан 25 ий теммым палемден. Звениговысо тоштер ик эн самырык тӧнеж. Тудо шке омсажым 1998-ше ийын 16-шо сентябрьыште почын. А ыштенытше тудым районысо историй да тӱвыра поянлыкым арален кодаш да вияҥдаш манын. Тоштерын икымше директоржылан Василий Охотников ыштен. Кызыт тоштерын фондыштыжо 9 тӱжем экспонат шотлалтеш. Тушечын куд тӱжем утла единицыже- тӱҥ фондыш пура. 2020-шо ийыште тоштерлан эҥер сер да ола рӱдӧ деч тораште огыл колоннан историй зданийым пуэныт. Тудо уна да турист- влакым кумылаҥден шогышо ик гына тыгай архитектурный сооружений улеш, - увертара районысо газет.
          Фото: «Взгляд» газет.