Марий Эл гыч ийше- влак «Российын резервше» Россий кӱкшытан таҥасымашын медальжым сеҥен налыныт

          Марий Эл гыч ийше- влак «Российын резервше» Россий кӱкшытан таҥасымашын медальжым сеҥен налыныт. Анна Керженёва ден Владимир Сандыков кугу таҥасымашын пьедесталышкыже кӱзеныт. Саранскыште таҥасымаш элысе 67 регионын  сборный командышт гыч эн виян 847 ӱдыр ден рвезым, юниор ден юниоркым чумырен. Марий Эл гыч иймаш дене олимпий резерв спорт школышто шуаралтше Арина Керженёва 100 метрыш баттерфляй йӧн дене иймаште кокымшо верым налын. Тиде школ гычак Владимир Сандыков 200 метрыш комплексно иймаште ший медальым налын, тиде йӧн денак 400 метрыш ӱчашымаште кумшо верыш лектын. Медальым сеҥен налын, спортсмен- влак спорт мастерыш нормативым пеҥгыдемден ончыктеныт,- увертара спорт-туризм министерстве.
          Фото: Владимир Сандыков.