Колхоз гаражеш 52 ияш пӧръеҥ ӱмыр лугыч лийын
У Торъял районышто колхоз гаражеш 52 ияш пӧръеҥ ӱмыр лугыч лийын. Следствий комитетын Марий Элысе виктемжын следовательже- влак туткар верыш миен коштыныт. Тиде азап теҥгече ик колхозышто лийын. Теплотрассым олмыкташ конструкцийым рончымо годым ик кӱртньӧ пучшо слесарь ӱмбаке камвозын да тудым пызырен. Тыге 52 ияш пӧръеҥ ӱмыр лугыч лийын. Следователь мо- кузе лиймыжым чыла рашемда, вара решений лукталтеш.
Фото: МариМедиа.
Фото: МариМедиа.
