Турист сувенир конкурсышто Калыкле тоштерын ик радам сувенир продукцийже икымше верым верым налын

               Турист сувенир конкурсышто Калыкле тоштерын ик радам сувенир продукцийже икымше верым верым налын. Декабрь тӱҥалтышыште Тверь олаште Горький лӱмеш областной книгагудын площадкыштыже «Турист сувенир» Россий кӱкшытан конкурсын 9-ше калыкле финалже эртен. Евсеев лӱмеш калыкле тоштерын «Марий эпосын геройжо- влак. Кызытсе жап гыч ончымаш» сувенир продукций  тӱшкаже «Турист маршрутын сувенир линейкыже» номинацийын ВИП категорийыштыже (акше кум тӱжем теҥге гыч тӱҥалын) икымше верым сеҥен налын. Козьмодемьянскысе тоштер комплексын «Марий матрёшкыжо» «Этнографий сувенир» номинацийыште кыдалаш ак категорийыште (500 гыч кум тӱжем теҥге марте) кокымшо степенян лауреат лийын. Конкурсын калыкле финалышкыже Марий Эл 11 турист сувенирым намиен. Тений конкурсыш чылаже Российысе 75 регион гыч да Беларусь гыч сувенирым лукшо да автор- влак кум тӱжемат 222 позицийым темленыт. Финалыш 60 регион гыч 620 позицийын авторышт миеныт. Мероприятийыште тыгак турист сувенир продукций кевыт- влакын презентацийышт эртен. Шке пашаштым аралаш 16 регион гыч 24 кевытын еҥышт миеныт.
        Фото: Евсеев лӱмеш марий калыкле тоштер.