Кевытлаште чыве мунын акшым ончыктышо кагазым вашталтенат огыт шукто

         Кевытлаште чыве мунын акшым ончыктышо кагазым вашталтенат огыт шукто. Тений идалык тӱҥалтыш гыч пельмень ден колбасан акше 20 процентлан кушмыжо нерген уверым Ял озанлык министерствыште чын огыллан шотленыт. Тушто каласеныт: нине кочкышлан ак иктӧррак шога, кушмаш тӱшка инфляций кугытышто гына вашталтеш. Лу тылзыште колбаса сатум лукмаш кодшо ий дене таҥастарымаште кокытат пеле процентлан кушкын, а шыл, шылым пыштыман, йӱкшемдыме да кылмыктыме полуфабрикатым куд процентлан шукырак лукмо. А теве чыве мунылан Россий мучко ак писын кушкеш. Ик арняште 14-ше гыч 20-шо ноябрь марте ныл процентат пелылан шергештын,- увертара «Реальное время». «Руспродсоюзышто» умылтарыме почеш, сатун шке акышкыже пурышо транспорт тарифын, персоналлан роскотын да шапаш ужашын шергештмыже производитель- влакын роскотыштым кугемдымашке конда.