Пӧръеҥ- влакын Элым, шке ешыштым арлаш шогалаш ончыктымо кумылышт кугу пагалымашым сула,- каласен Юрий Зайцев

          Республикым вуйлатыше Юрий Зайцев Россий Вооруженный Вийым контракт почеш службым эртыше- влак кӱшеш комплектоватлыме йодыш дене совещанийым эртарен. Тудо палемден: республике гыч военнослужащий- влак лӱмын эртарыме сар операций кундемыште героизм ден патырлыкым ончыктат, нацизм дене кредалмашке кугу надырым пыштат. Участник- влалкан да нунын ешыштлан полышым пуымаште мемнан дене чатка системым ыштыме. Пӧръеҥ- влакын Элым, шке ешыштым арлаш шогалаш ончыктымо кумылышт кугу пагалымашым сула. Операцийыште улшо- влаклан мо кӱлеш- чыла лийже, шке пелашышт, йочашт, ача-авашт верч ынышт тургыжлане манын нунылан чыла ыштымаш- тиде мылам пеш кӱлешан паша. Республике гыч гуманитар полышым чарныде колтен шогена, полышым кумдаҥдаш тыршена. Тиде пашам умбакыжат шуена,- каласен Юрий Зайцев. Республикыште 40 наре полыш шотлалтеш да кумдаҥ шога. Шукерте огыл республикым вуйлатышын кӱштымыжӧ почеш, шке кумылын контрактым пеҥгыдемдыше- влаклан ик гана тӱлымӧ оксам 250 тӱжем теҥге марте кугемдыме. Тений икымше июнь гыч Владимир Путинын кӱштымыжӧ почеш ыштыме «Ачамландым аралыше- влак» Кугыжаныш фондын филиалже пашам ышта. Тудо СВО-н ветеранже, вуйым пыштыше- влакын ешыштлан социал полышым пуэн шога. Кок тӱжем наре еҥ тыгай полшым налаш кумылым ончыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.