Волжскысо пашаче коллектив- влак коклаште спорт таҥасымаш эртен

           Волжскысо пашаче коллектив- влак коклаште спорт таҥасымаш эртен. Оласе спорт комплексыште оласе пашаче коллектив- влак коклаште Спартакиаде кышкарыште волейбол дене таҥасымаш эртен. Тушко «МЦБК», «ВЭМЗ», «Мовена», «Росхолод» да ола администрацийын тӱныктыш пӧлкажын командышт ушненыт. Модмаш тӱналтышыштак электромеханик заводын, «Росхолодын» да «Марбумкомбинатын» командыже ончыко лектыныт. Икымше вер верч «ВЭМЗ» ден «МЦБК» пӱсын кучедалыныт, но марбумын командыже 3:1 счёт дене ончыко лектын. Тудо «Росхолодымат» тыгак ӱшанлын ончылтен. Тыге икымше вер «МЦБК»-лан логалын, «ВЭМЗ» кокымшо лийын, кумшо верым «Росхолод» налын. А туныктыш пӧлкан командыжлан нылымше вер логалын.
            Фото: Сергей Орлов ден Оласе спорткомитет.