Онкодиспансер тазалыкым тергаш ӱжеш
Республикысе калыкым тазалыкым тергаш онкодиспансерыш ӱжыт. 8-ше февральыште Республикысе онкологий диспансерыште 8 гыч 13 шагат марте Виш омса кече лиеш. Тудо рак ваштареш кучедалме Тӱнямбал кечылан пӧлеклалтеш. Тиде кечын чыла кумылан- влак онколог-врач деке приёмыш миен кертыт. Кодшо ийын тыгай йӧн дене 405 еҥ пайдаланен. Нуно онколог, гинеколог, маммолог, проктолог, дерматолог дене лийыныт. Врач- влак ик осал новообразованийым да раклан 11 подозренийым рашемденыт. Приёмыш мийыме годым пелен паспортым, СНИЛС-ым да старховой полисым налман.