Роспотребнадзор виктемыште у короновируслан чаракым ыштыме йодыш дене совещаний лийын
Китай Калык республикыште у короновирус дене неле ситуацийлан кӧра, Республикысе Роспортебнадзор виктемыште медицина пашаеҥ-влак дене мемнан деке вирусым кондаш огыл манын, совещаний эртен. Совещанийым почшыла, виктемым вуйлатыше Светлана Булатова йодышын пӱсылыкшым палемден. Тазалыкаралтыш министерстве дене пырля короновирус инфекций шотышто кокытеланымаш лекме годым мом ыштышашым рашемдыме, медицина организаций- влакын Азий кундемла гыч толшо черланыше- влакым приниматлаш ямде улмыштым, нуным посна верыш пыштыме да медицина пашаеҥ- влакым туныктымо нерген ойленыт. Турист фирма да туроператор- влаклан шижтарымашан серышым колтымо, рынок, кугу ужалкалыме вер, спорт оралте, каныш рӱдер, кӱшыл тунемме тӧнеж вуйлатыше- влаклан дезинфекций режимым пеҥгыдемдаш, пӧлемлам южтараш да эрыкташ, вентиляций системын пашажым саемдаш, противовирус эмын, аралалтме средствын шапашыштым ышташ темлыме.