Волжск олаште «Ме шарнена блокадан 900 кечым» сылнымут набат эртен

Волжск олаште Ленинград блокадылан пӧлеклалтше сылнымут кас эртен. Тунемше- влакым патриотизм шӱлышеш шуарымашлан пӧлеклалтше «Ме шарнена блокадан 900 кечым» сылнымут набат лийын. Лицейыште тунемше- влаклан тиде кужу 900 кече нерген каласкаленыт. Вашлиймаште Российысе палыме поэт- влакын почеламутышт, блокадыште лийше- влакын дневникеш возен кодымышт йоҥген. Сар жапысе хроникын слайдше- влакым ончыктымо.