Марий Элым вуйлатыше военно-патриот паша месячникым почын

Марий Элым вуйлатыше Кугу Ачамланде сарын ветеранже- влакым лӱмгече медаль дене палемден. «Кугу Ачамланде сарыште сеҥымалан 75 ий» лӱмгече медальым Александр Евстифеев кок ветеранлан кучыктен. Церемоний Самырык- влакын полатыштышт эртен. Совет калыкын подвигшылан кӧра, Ачамландынан эрыкшым арален кодымо, тӱням нацизм деч утарыме, ме тыныс кава йымалне илена да ончыкылан ӱшанле планым чоҥена. Президент кугу сар нерген чыным аралаш да тудым у тукымлан пуаш ӱжеш. Историйым пужен возаш да йоҥылыш ончыкташ тӧчышӧ- влакын шонымашыштым вигак пытараш кӱлеш манын тудо. Марий Элыште сарын тӱкыдымӧ ик еҥат уке, - каласен Республикым вуйлатыше. Марий кундем гыч фронтышто 140 тӱжем утла еҥ кредалын. Кажне кокымшыжо мӧҥгӧ пӧртылын огыл. 53 лӱддымӧ салтаклан Совет Ушемын Геройжо кӱкшӧ лӱмым пуымо. Александр Евстифеев палемден: кажне ийын эртарыме оборонно- массовый ад военно-патриот паша месячник чыла муниципал район ден ола округ-влакым авалта. Икымше март марте 100 утла тӱрлӧ мероприятий эртаралтеш. Месячник самырык тукымым чын патриотизм шӱлышеш шуараш полша. Россий Президентын Указше дене «Кугу Ачамланде сарыште сеҥымылан 75 ий» лӱмгече медальым ыштыме. Ме тудым уло кумылын ветеран- влаклан кучыктена, - каласен Республикым вуйлатыше. Нунын коклаште Аркадий Трофимович Трофимов ден Андрей Васильевич Блямов улыт. Ийгот да тазалыклан кӧра, шукынжо толын кертын огытыл, но медальым кажныжлан кучыктымо лиеш. Месячникым почмаште республикым вуйлатыше военный технике выставкым ончен лектын. Мероприятийыште тунемше, кадет, армийлан ямдылалтше рвезе- влак, юнармеец да студент-шамыч лийыныт. Тений месячник Сеҥымашлан 75 ий, 6-шо парашют-десант ротын подвигшылан 20 ий теммылан пӧлеклалтын.