Корнылан гарантият полшен огыл

Йошкар-Оласе Карл Маркс уремым гарантий почеш олмыктат. Тиде арнян Чебоксар гыч подрядчик тиде уремын машина коштмо ужашыштыже лекше лаке- влакым олмыкташ тӱҥалын. Ушештарена: корнын Строитель урем деч Ленин проспект марте кок меҥгат 400 метр кужыт олмыктымо  ужашыже «Лӱдыкшыдымӧ сай качестван автомобиль корно-влак» проект кышкарыште олмыктымо ныл корно радамыш пурен. Подрядчикым конкурс почеш ойырен налме ыле. Муниципал контракт почеш, шуктымо пашалан 6 ийлан гарантий пуалтеш. Но подрядчик ден заказчикын терген лекмекышт, ситыдымаш- влакым рашемдыме: южо вере асфальт шӱштыргаш тӱҥалын да лаке- влак койыт. Кызыт олмыктымо паша – тиде- жаплан ыштыме мера. Тудо умбакыже лунчыргымым чарышаш. Гарантий почеш тӱҥ пашаже май-июньышто лийшаш. Заказчикын тыгак Западный уремыште ыштыме паша шотыштат замечанийже уло. Варарак туштат олмыкташ тӱналыт.
ВКонтакт Одноклассники Facebook Twitter Livejournal Google Plus
Поделиться

Прошлые выпуски