ЮИД отрядын оласе икымше слётшо эрта

Йошкар-Олаште  корнышто коштмым тергыше самырык инспектор- влак отрядын  оласе икымше тӱшка слётышт лиеш. Кугыжаныш автоинспекцийын увертарымыж почеш, слёт Самырык- влакын полатыштышт 31-ше январьыште лиеш. Тушко оласе школлан ЮИД  отрядышт да туныктышо- влак, тиде пашалан вуйын шогышо- влак ушнат. Нуно ЮИД отрядын пашаже дене палыме лийыт, сай опыт дене палдарат, моло кундемлаште тиде пашан кузе виктаралтмыжым шымлат, мастер-класслаште участвоватлат. Кызыт Российысе школла пелен самырык инспектор- влакын 30 тӱжем отрядышт пашам ышта. Тушко 10 гыч 14 ияш марте 400 тӱжем наре тунемше коштеш.