Марий Эл гыч 7 еҥ «Российын лидерже» конкурсын полуфиналжылан ямдылалтеш
Марий Эл гыч 7 еҥ «Российын лидерже» конкурсын полуфиналжылан ямдылалтеш. 31-ше январь гыч 2-шо февраль марте Угарманыште «Лидеры России» конкурсын Юл кундем округысо полуфиналже эрта. Тушто полпред Игорь Комаров, Угарман областьын губернаторжо Глеб Никитин, «Лидеры России» конкурсым вуйлатыше Алексей Комиссаров лийыт. Полуфиналыш чыла кундем гыч 335 участникым ӱжмӧ. Марий Эл гыч шым еҥ лиеш. 31-ше январьыште онлайн-йыжыҥын лектышыжым пеҥгыдемдаш уэш тестирований лиеш. Тудым эртыше- влак 1-ше да 2-шо февральыште очный аклымаште финалыш лекшаш верч кучедалаш тӱналыт. Лектышыже 2-шо февральыште пале лиеш. Финалист- влак Сочи олаште конкурсын суперфиналыштыже участоватлат.