Кодшо тунемме идалыкыште республикыштына 18 тӱжем утла еҥ кӱшыл шинчымашым налын
Кодшо тунемме идалыкыште республикыштына 18 тӱжемат 400 еҥ кӱшыл шинчымашым налын. Тидын нерген Маристат увертара. Статистике почеш, шукыракше ӱдыр- влак тунем лектыныт. Кодшо ийын 10 тӱжем ӱдыр кӱшыл шинчымаш нерген, дипломым налын. Эксперт- влак тыгак студент- шамычын чӱчкыдын ойырен налме специальностьым ямдыленыт. Икымше верыште- веб-дизайнер. Тудо интернет лаштыкын логика структурыжым ямдыла да уверым вераҥдыме сай решенийым темла. Кокымшо верыште йоча садын воспитательже, кумшышто бизнес-тренер, вара дефектолог, визымшыште - джи-ар менеджер. Тудыжо компаний ден кучем коклаште кылым ыштен шогышо еҥ улеш.