Республикын промышленность министрже Волжск олаште яндам эрыктыше щеткым лукмо пашам терген

Республикын промышленность, экономически вияҥмаш да торговля министрже Дмитрий Пугачёв Волжск олаште яндам эрыктыше щеткым лукмо пашам ончен лектен. 2015-ше ий гыч «Мицуба Рус» компаний Волжск олаште Японийысе технологий оборудований негызеш машиналан стеклоочистительым лукташ тӱҥалын. Предприятийын сатужо Российысе икмыняр вӱдышӧ автомобиль концерныш колталтеш. Компанийын генеральный директоржо Ито Масанао дене вашлиймаште предприятийын презентацийжым эртарыме, кӱкшӧ технологиян оборудований дене пойдарыме паша цех- влакым ончыктымо. Дмитрий Пугачёв компанийын вуйлатышышт да ола администрацийын еҥышт дене  кызытсе паша да ончыкылык вияҥмаш, республикыште комплектующий- влакым лукмо верым кумдаҥдыме, оласе промышленный предприятий- влаклан кугыжаныш полышым пуымо йодыш- влакым каҥашеныт.