Телым «Марий Элын ечыгорныжо- 2020» таҥасымаш мучашла
Февраль «Марий Элын ечыгорныжо- 2020» таҥасымаш дене мучашлалтеш. Эрла «Корта» ече базыште кумылан- влак ГТО нормым сдатлен да ечегорно дене куржталын кертыт. Мо оҥайже: палемдыме кужытым кастене ечероллер трассын волгалтарыме ужашыштыже эртат. Таҥасымашым почмаш 16 шагатлан тӱҥалеш, пел шагат гыч старт пуалтеш. Кумылан- влак 1,2,3 да 5 меҥгым эртышаш улыт. Комиссий таче 19 шагат марте, эрла 12 гыч 15 шагат марте пашам ышта. Ушештарена: «Российын ечыгорнышкыжо» 10 тӱжем еҥ лектын ыле.