Тений кум район изи спортплощадкылан обрудованийым налеш

 Тений республикыштына «Спорт- илышын нормыжо» проект кышкарыште кум районлан изи спорт площадкым ышташ спорт да технологий оборудованийым налаш палемдыме. «Демографий» калыкле проект почеш физкультура да спорт дене кылым кучышо- влакым 55 процент марте шукташ кӱлеш. Тидлан тӱрлӧ йӧн кучылталтеш. Нунын коклашке спорт оралте да инвентарьым ситарымашат пура. Изи спорт площадке- влакым Марий Турек, Куженер да Морко районлаште вераҥдат. Туштак ГТО нормым сдатлаш лиеш. Оборудованийым налаш федерал бюджет гыч регионлан 9 миллион утла теҥге окса ойыралтеш, шкеужашыжым республикысе казнат ешара. Ушештарена: кодшо ийын 6 районлан оборудованийым налме ыле.