ОНФ Шернурысо вокзалым межпуниципал остановко- влакын реестрышкышт пурташ темла

Марий Элысе ОНФ-ын чолга еҥже- влак регионысо транспорт министерствым Шернур посёлкышто илыше- влакын проблемыштым виктарен колташ ӱжыт да у вокзалым межпуниципал остановко- влакын реестрышкышт пурташ темлат. Молан манаш гын, район- влак коклаште коштшо автобусын водительышт калыкым шупшыктымо графикым огыт эскере, калыкым вокзал деч ӧрдыжтӧ шындат да волтен кодат. Эртыше ийын сентябрьыште Шернурысо Советский уремыште вокзалым почмо ыле. Тушто вучымо зал, касса, буфет санузел, водитель пӧлем- чыла уло. Но Шернур гыч Йошкар-Олаш калыкым шупшыктышо автобус вокзал деке ок пуро, калыкым посёлко мучко пога. А калыкын ӱшанже пеҥгыде огыл- олаш каен кертеш але уке?