Марий Элыште электротуллан акым Федераций Советыште каҥашеныт

 Марий Элыште электроэнергийлан акын кугурак улмыжо шотышто йодышым Федераций Советыште каҥашыме. Российысе чоҥымаш, илыме вер да коммунал озанлык министрже Владимир Якушев дене Федераций Советыште «Виш диалог» эртен. Тӱрлӧ кундемла гыч сенатор- влак тудлан шке йодышыштым пуэн кертыныт. Владимир Якушев «Илыме вер да оласе кумдык» калыкле проектым ныл корныж денат шуктымо шотышто иктешлымашым ыштен. Марий Элын интересшым аралыше сенатор Константин Косачёв тыгай йодышым пуэн: мемнан республикыште электроэнергийлан тарифын кугытшым кузе шотлан кондымо? Министрат палемден: Марий Элыште бизнеслан вияҥаш чаракым ыштыше ик кугу проблеме уло. Сандене тариф пошкудо республике- влак дене икгай лийже манын келшыше решенийым муаш кӱлеш. Уке гын, бизнес йӧршын пошкудо кундемлаш кая. Тиддеч посна, федерал оксам республикыште чын кучылтмым ончыкташ кӱлеш, ме сай экономик лектышым налшаш улына. Ешартыш окса ойыралтеш гын, Марий Элын командыже Российын министройжо дене пырля ойырымо оксам экономик куатым кугемдаш кучылташ ямде улмынам ончыктышаш улына, - каласыме вашлиймашыште.
ВКонтакт Одноклассники Facebook Twitter Livejournal Google Plus
Поделиться

Прошлые выпуски