Республикысе медшӱжар- влакын шанче-практик конференцийышт эртен

Пӱтынь республике гыч медшӱжар- влак шанче-практик конференцийыш погыненыт ыле. Эн ойыртемалтшыже- влаклан наградым кучыктымо. Кугу Сеҥымашлан 75 ий теммылан пӧлеклалтше вашлиймашыш погынышо- влаклан Кугу сар жапыште медицина пашаеҥ- влакын ыштыме подвигыштым ушештареныт. Марий кундемыште тунам эсвкогоспитальым ыштыме да сусыргышо салтак- влакым эмленыт. Конференцийыште тыгак поро мут дене республикыште ыштыше кок хирургым шарналтеныт. Тиде -Геннадий Качмашев ден Анатолий Кокорин. Лач нуно тиде отрасльым вияҥдымаште шогеныт да ик тукым веле огыл медицина пашаеҥ- влакым шуарен куштеныт. Тазалыкаралтышын тӱҥалтыш звеножым уэмдымаш- лишыл жапын ик эн кӱлешан пашаже. Тыште калык сай могырыш вашталтышым ужшо манын, фельдшер, медшӱжар, акушер- влаклан кугу вийым пышташышт логалеш,- каласен Правительстве председательын алмпаштышыже Илга Дравниеце. Медшӱжар пашам вияҥдымашке ойыртемалтше надырым пыштыше- влаклан «Тазалыкаралтышын отличникше» да «Профессийлан ӱшанле улмылан» чап пале- влакым кучыктымо.