Марий Эл электротул тарифлан вич миллиард теҥге компенсацийым налын кертеш

Марий Эл Российын бюджетше гыч электроэнергийын тарифшылан вич миллиард теҥге компенсацийым налын кертеш. Тыгай кугу оксам республикына  изирак социал- экономик лектышым ончыктышо регион- влаклан полышым пуымо программын икымше йыжыҥыштыже налеш да электротуллан тарифым компенсироватлаш кучылталтеш. Тиде республикыш инвестицийым кондаш кумылаҥден кертеш,- каласен Александр Евстифеев Тольяттиште ПФО-што полномочный представитель пеленысе советын заседанийыштыже. Россий премьер- министр Михаил Мишустинын решенийже почеш, лу субъектым вияҥдаш кок транш дене 100 миллиард теҥгем колтымо лиеш. Икымше 50 миллиард теҥгем колтымо шотышто пунчалым лукмо. Шотлымо почеш вич миллиардым вич ийлан пуат. Регион- влак тиде оксам кучылташ грамотный программым колтышаш улыт. Российыште ешартыш оксам пуаш 10 регионым ойырен налме. Тиде- Алтай, Карелий, Тува, Курган область, Адыгей, Марий Эл, Алтай край, Чуваший, Псков область да Калмыкий. Кажныжлан кураторым палемдыме.
ВКонтакт Одноклассники Facebook Twitter Livejournal Google Plus
Поделиться

Прошлые выпуски