Рӱдӧ олаште у школым чоҥымо паша график почеш кая
Йошкар-Оласе 9-ше В микрорайонышто 825 верлан чоҥымо школ палемдыме жапыште ыштен шуктымо лиеш. Тыгай ӱшаным каласеныт «Калык контроль» проектын тергышыже- влак. Тудын радамыште Кугыжаныш Погынын депутатше Григорий Пейсахович, партийын еҥже Антон Волков, заказчик ден генеральный подрядчикын еҥышт. Нуно у школысо чыла гаяк пӧлемым, кочмыверым, спорт да актовый залым ончен лектыныт. Чылажымат чаплын ыштымым ужыныт. Нуно тыгак объектлан оксам ойырымым, проектыш вашталтышым пуртымым, чоҥымо жапым эскерымым, школ кундемым тӱзландарыме жапым каҥашеныт. Чыла сомыл жапыштыже ышталт шукталтшаш,- каласеныт «Калык контрольын» еҥже- влак.