Мартыште Изи Какшаныште йӱштылаш кумылет уло?
«Йошкин морж» Изи Какшанысе йӱштӧ вӱдыштӧ йӱштылаш ӱжеш. Телым йӱштылаш йӧратыше- влакын «Йошкин морж» клубышт мартысе иймашке вуча. Шуматкечын 7-ше мартыште Йошкар-Олаште теле иймаш дене Марий Элын кумшо чемпионатше лиеш. Таҥасымашын кужытшо 25, 50 да 100 метр лиеш. Регистраций 10 шагатлан тӱҥалеш. А старт Рӱдӧ пляж кундемыште 11 шагатлан пуалтеш.