Рвезе- влак футбол дене Российысе «Уличный красава» акцийыш ушнен кертыт
Марий Элысе «ОНФ-ын молодёжкыжо» ийготыш шудымо- влакым «Уличный красава» кудывечысе футбол дене Российысе акцийыш ушнаш ӱжеш. Турнир 14-15 да 16-17 ияш рвезе- влак коклаште Российысе чыла кундемыштат эртаралтеш. Тушко ушнашлан шке командым чумырыман да сайтыште икымше август марте возалтман. Таҥасымашын муниципал йыжыҥже 15-ше август гыч 11-ше сентябрь марте эрта. Регионысо йыжыҥже 12-шо гыч 28-ше сентябрь марте лиеш. А окружнойжо- сентябрь мучаш гыч 6-шо октябрь марте. Вара октябрьыште Российысе финал эрта. Кудывечысе эн сай командылан тӱн приз семын пӱтынек кӱлеш семын пойдарыме футбол площадкым ыштен пуат. Кодшо ийын Марий Элыште 24 команде ушнен ыле, но финалыш лектын сеҥен огытыл