Йошкар- Олан тӱҥ уремыштыже Ленин проспектыште олмыктымо паша умбакыже шуйна.

Йошкар- Олан тӱҥ уремыштыже Ленин проспектыште олмыктымо паша умбакыже шуйна. Сандене 6-шо-7-ше июльышто троллейбус транспорт Машиностроитель ден Первомай урем кокласе ужашыште маршрутшым вашталта. Кокымшо да кандашымше маршрутысо троллейбус- влак Сомбатхей гыч Красноармейский уремыш куснат, тушеч Машиностроитель уремыш лектыт да 9-ше микрорайоныш каят. 6-шо номеран маршрут Панфилов урем гыч Суворов уремыш кусна да Машиностроитель уремыш лектеш. 11-ше А ден 11-ше Б троллейбус- влакат тыгак коштыт. 1-ше, 5- ше, 10-шо троллейбус маршрут- влак огыт вашталт.