У Торъялысе кинде комбинатыш у вуйлатыше томеке, тудо уэш пашам ышташ тӱҥалын

У Торъялысе кинде комбинатыш у вуйлатыше томеке, тудо уэш пашам ышташ тӱҥалын. Илышыште пытартыш ийлаште лийын шогышо вашталтышлан кӧра ондак чапланыше комбинат пашажым чарен шогалтен ыле. Киндым конешне моло вер гыч конденыт. Но верысе калык паша деч посна кодын. Тыге палыме амалкалче тиде производствым пӧртылташ кумылаҥын. Тымарте тудо киндым, пельменьым, комбикормам лукшо предприятийлам ыштен ыле. Ынде тудо РайПО-н учредительже лийын. Тыге сатум ужалымаш кок пачаш кугемын, тӱрлӧ продукцийым лукташ тӱҥалме. Верысе калыклан пашавер лектын. Кинде заводым уэмдымашым ялым вияҥдыме, амалкалчын тӱҥалтышыжлан полшымо, у производствым почаш полшымо шотышто эртарыме политикын сай лектышыже семын аклыман.