Советский посёлкышто корно шотышто калыкле проект чолган шыҥдаралтеш.

Республикысе кугу райрӱдыштӧ - Советский посёлкышто, калыкле проект почеш автомобиль корным уэш ышташ кӱлеш. «Марийскавтодор» предприятийын директоржо Анатолий Аверин объектыштак, Зелёный уремыште, совещанийым эртарен. Вашлиймаште Советский районым вуйлатыше Антон Трудиноват лийын. Проект почеш кызыт посёлкышто Маяковский урем уэш ышталтеш. Пашам шуктымо кужыт 247 метр. Тымарте тушто тыглай рок корно гына лийын. Ночко игече годым тушеч эртен каяш пеш неле улмаш. Анатолий Аверин ушештарен: Россий президентын тӱҥалтышыже почеш, калыкле проект кышкарыште тений гына республикылан ныл миллиард утла теҥге окса ойыралтеш. Республикысе корнылан качествыжым палынак
вашталтыман.