16 миллион утла теҥге оксам Волжск оласе коллекторым олмыкташ ойырталтеш

Волжск олаште коллекторым олмыкташ Марий Эл Правительствын резерв фондшо гыч 16 миллионат 700 тӱжем теҥге оксам ойырымо. Тыгай решенийым республикым вуйлатыше Александр Евстифеев Волжск олаште эртарыме выездной совещанийыште увертарен. Тушко мийымыж годым тудо коллекторым шке ончен савырнен да вуйын шогышо- влак дене мутланен. Объектыште аварий шошым лийын. канализаций коллекторын кужытшо тӱжемат 300 метрыш шуйна. Тудым 1980 ийыште чоҥымо да 25 тӱжем еҥ илыман ныл микрорайоным обслуживатла. Кызыт аварий ситуацийым кораҥдашлан канализацийысе вӱд вартышым тулаш жаплан насос станцийым ыштыме. Коллекторын ӱлыл ужашыже тоштеммылан кӧра аварийныйлан шотлалтеш, шукертсек олмыктымо огыл. Кызыт 182 метр кужыт кугу пуч- влакым вашталташ кӱлеш. Тиде кӱлешан магистраль,- палемден республикым вуйлатыше. Сандене резерв фонд гыч 16 миллион утла теҥгем ойыраш лийме. Пашам кум тылзе жапыште ыштен шуктыман. Аварий участкым шыже-теле жаплан ямдылыме планыш пуртымо, проектно-сметный документацийым ямдылыме. Тӱшка пашан кугытшо 39 миллион теҥгеш шуэш. 
Тений 200 метр наре кужытым олмыктат, кодшыжым- вес ийын. Евстифеев тидымат каласен: Волжск олаште виктарен колтышаш моло йодыш- влакат улыт. Тиде олам тичмаш вияҥдымаш, автомобиль корно озанлыкым ачалымаш. Сандене пашам тыршен ыштыман,- каласен Марий Элым вуйлатыше.