Испанийысе Ллорет де Мар олаште Средиземный теҥыз воктене «Теҥыз. Кече. Фестиваль» тӱнямбал конкурс эртен.

Испанийысе Ллорет де Мар олаште Средиземный теҥыз воктене «Теҥыз. Кече. Фестиваль» тӱнямбал конкурс эртен. Тушко Волжск ола гыч «Артес» шоу-группо миен. Куштышо коллектив 6 номерым ончыкташ ямдылен. Тушечын кокытшым жюри пеш кӱкшын аклен. Тыге ансамбль шкенжын вич ий ончычсо лектышыжым эшеат саемден кертын. Мемнан команде икымше кок верым да Гран-прим сеҥен налын. «Артесын» художественный вуйлатышыже Светлана Пекешинан мутшо почеш жюрин кумылжым группын техничностьшо, тӱшкан чаткан куштымыжо да профессионализмже савырен. Фестивальыш тений Германий,Испаний, ЮАР, Казахстан, Белоруссий, Украине гыч миеныт.