Таче элна мучко Еш, йӧратымаш да ӱшанле улмо кече палемдалтеш. Тиде пайрем дене республикысе калыкым Марий Элым вуйлатыше Александр Евстифеев саламла.

Таче элна мучко Еш, йӧратымаш да ӱшанле улмо кече палемдалтеш. Тиде пайрем дене республикысе калыкым Марий Элым вуйлатыше Александр Евстифеев саламла. Тиде пайремым мемнан элыште шукерте огыл- 2008-ше ий гыч палемдаш тӱҥалме. Тудын негызышкыже еш мужыр Пётр ден Февроний нерген легенда возын. Нунын йӧратымаш историйышт мондалтын огыл да еш пиалын сомволжо семын аклалтеш. Кажне еҥлан еш шӱм-чон, калыкле, тӱвыра йӱлам аралымаш, сай шонымашлан шӱлышым пуышалан шотлалтеш. Лач ӱшанымаш, йӧратымаш да лишыл еҥ- влакын полышышт мыланна кажнылан нелылыкым сеҥен лекташ полша. Кӧлан еш, йӧратымаш да ӱшанле улмаш чынжымак илышын негызше улеш, кӧ икшыве- влакым ончен-кушта да сеҥымашыштлан куана, чыладамат пайрем дене. Тек тендан ешыштыда тыныслык, поянлык ваш умылымаш оза лийыт,- ойлалтше республикым вуйлатышын саламлымашыштыже.