Регионысо олмыктымо корнын кужытшо ешаралтме дене Россий мучко Марий Элым эн сай регионлан шотленыт

             Регионысо олмыктымо корнын кужытшо ешаралтме дене Россий мучко Марий Элым эн сай регионлан шотленыт. Транспорт да корно озанлык министерстве коллегийын заседанийыштыже кодшо ийын корным чоҥымо пашам иктешленыт да тенийлан ончыкылыкым каҥашеныт. Мероприятийыште Юрий Зайцев участвоватлен. Кодшо ийын лектышыже почеш Марий Эл Россий мучко регионысо корным олмыктымо дене икымше верым айла. Тудо 12 тичмашат 43 шӱдаш процентыш шуын. Корно происшествийлаште колышо еҥ- влакын шагалеммышт дене кокымшо верыште, корнын качествыже дене кудымшо верыште. Транспорт министр Александр Герасименко докладыштыже палемден: 2023-шо ийыште корно проект почеш 402 меҥге автомобиль корным, 14 кӱварым олмыктымо. Регионысо да муниципал корнын норматив дене келшен толмыжо 41 процентым эртен, план почеш 35 процент лийшаш ыле. Герасименко тыгак корно лӱдыкшыдымылык, тичмаш транспорт отрасль нерген каласкален. Иктешлышыла Юрий Зайцев отрасльын вияҥмыжым палемден да корно пашазе- влаклан Российын кугыжаныш наградыжым да Республикым вуйлатышын тауштымашашн серышыжым кучыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.