Радиотеатрыштына- «Морко сем»
«Марий Эл» ГТРК шке шӧртньӧ фондшо гыч черетан спектакльым колышташ темла. Тиде гана мемнан сайтысе радиотеатрыштына Марий АССР кугыжаныш премийын лауреатше, Россий культурын сулло пашаеҥже, палыме драматург Миклай Рыбаковын «Морко сем» пьесыж почеш шындыме радиоспектакльым колышташ лиеш. Ролым модыт: Микале- Марий АССР-ын калык артистше Василий Горохов, Степан- РСФСР-ын калык артистше Степан Кузьминых, Маюк- артистка Нина Романова, Йыван- Марий АССР-ын калык артистше Иван Никитин, Прокоп- РСФСР-ын сулло артистше Иван Матвеев, Овокля- РСФСР-ын сулло артисткыже Майя Романова, вӱдышӧ- Марий АССР-ын сулло артистше Дмитрий Отмахов. Радиоспектакльым Геннадий Копцев шынден. Плёнкыш 1981-ше ийыште возымо. Икманаш, спектакль кугу пайрем семын йоҥген. Уке, Сеҥымаш кечылан пӧлеклалтмыж дене огыл, а калык чоным, калык ойгым, калык пӱрымашым почын пуымыж дене!
