Марий Элыште Российысе чоҥымаш министерстве полшымо дене социал инфраструктура чолган вияҥеш

             Российын чоҥымаш, илыме вер да коммунал озанлык министрже Ирек  Файзуллин дене вашлийын. Юрий Зайцевын мутшо почеш регионышто вашталтыш- влак калыкле проектлам да индивидуал программым шыҥдарымылан кӧра ышталтыт. 2023-шо ийыште калык- влакын келшымаш пӧртыштым чоҥымо, перинатал рӱдерын корпусшым пужен ыштыме, Изи Какшан эҥер серын Ленин проспект деч Йошкар-Олалан 400 ик темме лӱмеш парк марте ужашыжым пужен ыштыме. Инфраструктура бюджет кредит кышкарыште тений Йошкар-Ола ден Меведево посёлкым ушен шогышо Черняков уремыште рекреаций зоным, «Ясная поляна» илыме комплексыште Сеҥымашлан 75 ий темме лӱмеш бульвар пашаш колталтеш.
             Регионысо проект- влак дене келшышын капитально чоҥымаш 30 объектыште паша шукталтеш. Тушечын шымытше вӱдым ситарыме, нылытше тазалыкаралтыш, кумытшо канализацийын очистной сооруженийже, У Торъялыште физкультура да тазалыкым пеҥгыдемдыме комплекс, Медведево районышто сымыктыш школ улыт. Кок школ «Восточный» микрорайонышто да Руэм посёлкышто чоҥалтыт. Илыме пӧрт- влак чолган нӧлталтыт. Таче кечылан регионышто пӱсын шогышо йодыш семын Звениговышто Ленин, Советский, Гагарин уремлаште самотёчный канализаций коллекторлам пужен ыштымаш, Волжскышто канализацийын биолгический очистной сооруженийжым пужен ыштымаш шотлалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.