Марий Элысе предприятий- влак шке продукцийыштым «Армия-2023» Тӱнямбал военно-техник форумышто ончыктеныт

             Марий Элысе предприятий- влак шке продукцийыштым «Армия-2023» Тӱнямбал военно-техник форумышто ончыктеныт. Марий Элым вуйлатыше Юрий Зайцев форумым торжественно почмаште лийын, регионысо предприятий- влакын стендыштым ончен, промышленностьын да ОПК сферынат вияҥме ончыкылыкшым каҥашен. Форумын участникше- влаклан видеообращений йӧн дене шке саламлымашыжым Российын Президентше Владимир Путин колтен. «Патриот» паркын Стенд, экспозиций, полигонлаштыже российысе тӱжемат пеле предприятий военный да моло кӱлешлыклан лукмо 28 тӱжемат 500 утла продукцийын образецшым ончыктеныт. Юрий Зайцев СМИ-н еҥже- влаклан республикылан ончыкылыкан корно- влак нерген каласкален, форумышто лиймаш нуным вияҥдаш полша манын. Выставкышке Марий Машиностроитель завод, «Ната-Инфо», «Санда-М» предприятий- влак продукцийыштым намиеныт. Выставкын унаже- шамыч да йотэл партнёр- влакат мемнан сатум кугу кумыл дене онченыт.
             Фото: Марий Элым вуйлатышын  администрацийжын увер дене пашам ыштыше пӧлкаже.