Шуматкечын Физкультурникын кечыжым палемдыме

           Шуматкечын Физкультурникын кечыжым палемдыме. Тидын вашеш Марий Элым вуйлатыше спортсмен да тренер-шамыч дене Правительстве пӧртыштӧ вашийын. Республикым вуйлатыше погынышо- влакым пайрем дене саламлен да палемден: тиде кече чолга да таза илыш йӱлам кучышо миллион дене еҥым ушен шога. Юрий Зайцев палемден: Российын президентше Владимир Путин чарныде физкультура да спорт дене кылым кучышо- влакым 70 процентыш шукташ задачым шынден. Кызыт республикыште «Спорт- илышын нормыжо», «Бизнес-спринт» федерал проект- влак шыҥдаралтыт. Пытарыш вич ийыште республикыштына 30 утла спорт объектым ыштыме, спортлан ямдылылтме 10 тӧнежлан кугыжаныш полышым пуымо. Вашлиймашыште ик спортсмен кӱкшӧ лектышлан окса дене куандарыме система аралалт кодеш мо манын йодын. Юрий Зайцев аралалт кодеш гына огыл, а ешарыме лиеш манын. Спорт министерстве ден финанс министерстве 2024-ше ийыште выплатым кугемдыме йодышым каҥашат,- каласен вуйлатыше. Спорт-туризм министр Лидия Батюкова ешарен: 2024-ше ий гыч Марий Элым вуйлатышын решенийже почеш спортсмен- влак реабилитацийым «Сосновый бор» санаторийыште эрташ тӱҥалыт. Мучашлан Марий Элым вуйлатыше награде- влакым кучыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.