Йошкар-Олаште йӱштылмӧ тургымым 31-ше август марте шуйымо

           Йошкар-Олаште йӱштылмӧ тургымым 31-ше август марте шуйымо. Шокшо игече толмылан кӧра Йошкар-Ола администрацийыште йӱштылмӧ тургымым август мучаш марте шуйымо. Ола округышто каныме ныл официальный вер уло. Тиде- «Южный» пляж, Изи Какшан эҥерыште Вантовый кӱвар воктене, Нолька посёлкышто, Пӱнчерыште у магистральын шола велымже. Официальный пляжлаште утарыше- влак 9 шагат эр гыч 20 шагат кас марте дежурствым наҥгаят. Чарыме верлаште йӱштылаш ок лий. Тидлан тӱжемат пеле гыч кок тӱжем теҥге марте штрафым тӱлыктен кертыт.
          Фото: Йошкар-Ола мэрий.