Мер ушемым лӱмлӧ журналист вуйлата

          Марий Элысе журналист- влак ушемын вуйлатышыжлан Александр Абдуловым сайлыме. Россий журналист- влак ушемын марий пӧлкажын у вуйлатышыжым организацийын отчёт да сайлымаш конференцийыште ойырымо. Тудым вуйлаташ «Марий Эл» газетын тӱҥ редакторжо Александр Абдуловлан ӱшаныме. Тудо шке пашаштыже тӱҥ семын ушемыш самырык- влакым утларак кумылаҥдаш, кугыжаныш кучем дене пеҥгыдырак кылым  ыштымым, тӱрлӧ грант проектлашке ушнымым палемден. 2009-ше ий гыч организацийым «Пенсионер» ден «Семейный газет» савыктышлан тӱҥ редакторышт Оксана Старикова вуйлатен. Тудо должностьшо гыч шке каяш кумылаҥын.