Марий Эл гыч туныктышо «Российын талукысо туныктышыжо» лӱмым налшаш верч кучедалеш

                    Марий Эл гыч физикым туныктышо «Российын талукысо туныктышыжо» лӱмым налшаш верч кучедалеш. Россий кӱкшытан тиде конкурсым Российын просвещений министерствыже эртара. Тений тиде таҥасымашке элысе чыла кундем гыч 85 туныктышо ушна. Марий Эл гыч конкурсын республикысе йыжыҥыштыже сеҥышыш лекше, Советский посёлкысо кумшо номеран кыдалаш школышто физикым туныктышо Ольга Костюнина таҥасаш тӱҥалеш. Конкурс 25-ше январьыште торжественно почылтеш. Финал мероприятийже у формат дене эрта. Призёр- влак пресс-конференций режим дене журналист, туныктышо, ача-ава, тунемше да студент- влакын йодышыштлан вашештат. Тиддеч вара вич эн сай туныктышо гыч сеҥышым ойырен налыт. Мучашлыме торжественный церемоний 2-шо февральыште эрта.
Фото: karavantver.ru