«Чодыра йомак» предприятийлан полшымо йодышым ончымо

                       Республикын правительствыштыже «Чодыра йомак» предприятийым финанс шотышто тазаҥдыме йодышым ончымо. Александр Евстифеев окса шотышто начаррак улшо организаций ден предприятий- влакым тазаҥдыме шотышто пашаче совещанийым эртарен. Поснак «Чодыра йомак» эмлыме да тазалыкым пеҥгыдемдыме комплексын пашажым радамын ончен лекме. Тачысе кечылан тудын кредитор парымже 28 миллион утла теҥгеш погынен. Каҥашымашке правительство председательын икымше алмаштышыже Александр Сальников, кугыжаныш пого министрын сомылжым жаплан шуктышо Алексей Плотников ушненыт. Республикым вуйлатышын мутшо почеш, пашаеҥ- влак пашадарым налшаш улыт. Тиддеч посна ресурсым ситарыше организаций- влак ончылно парымым пытарыман. Марий Эл Правительствын финанс шотышто тазаҥдыме мера- влакым ыштымыже сайын полша. Кодшо ийын икмыняр предприяйлан полшымо да нуно чаткан пашам ыштат. Александр Евстифеев  неле саманыш логалше предприятий ден организаций- влакын паша лектышыштым кугемдаш манын, программым ямдылаш кӱштен.